Казан Сабан туйларында баш батырлар ачыклана

Казанның ике Сабан туенда көрәш ярышларының абсолют батырлары ачыкланды.
Дәрвишләр бистәсендә үткән бәйрәмнең баш батыры булып, Питрәч районы көрәшчесе, үзе дә заманында Совет районы данын яклаган Фәрхәт Фәйзуллин танылды.
Аккош күле Сабан туенда исә баш батыр исеменә, шулай ук тәкә һәм «Лада-Гранта» автомобиленә тумышы белән Мари Иленең Бәрәңге районыннан, бүгенге көндә Теләче командасы данын яклаучы Муса Галләмов ия булды. Шулай ук үз авырлыкларында түбәндәге көрәшчеләр чемпион исемен яулады:
60 кг.га кадәр: Илмир Камалиев
70 кг.га кадәр: Илназ Минмуллин
80 кг.га кадәр: Айрат Хәйруллин
90 кг.га кадәр: Булат Мусин
100 кг.га кадәр: Дамир Адиятуллин
Авыр үлчәү: Муса Галләмов