Акыл – маңгайдагы җыерчыклар түгел, ә мидәге сырлар. Дөрес җаваплар бирүче түгел, дөрес сораулар куючы кеше галим дип атала. Бик күп кирәкмәгән нәрсәгә өйрәнә алмаган укучылар галимгә әйләнә. Алм...
Акыл – маңгайдагы җыерчыклар түгел, ә мидәге сырлар.
Дөрес җаваплар бирүче түгел, дөрес сораулар куючы кеше галим дип атала.
Бик күп кирәкмәгән нәрсәгә өйрәнә алмаган укучылар галимгә әйләнә.
Алманың шапылдап җиргә төшүен күпләр күргән һәм күреп тора. Әмма Ньютон гына: «Ни өчен?!» – дигән сорау куйган һәм бөтен Галәмгә хас мөһим законны ачкан.
Урыслашкан башка милләт вәкилләре шовинизмда урыс милләтчеләрен дә уздыралар.
Ирләр барысы да бериш, хезмәт хаклары гына төрле.
Күп ирләр хатыннарын аңламаганга сабыша. Чөнки бу аларга арзангарак төшә.
Кызару – кешегә хас сыйфатларның иң кешелеклесе.
Ирләр күбрәк үзләренә ошаганны түгел, үзе аларга ошаган хатын-кызны сайлый.
Мәхәббәттә тәннәр һәм матур сүзләр тантана итә.
Мәхәббәттә җиңүчеләр булмаса да, җиңелүчеләрнең исәбе юк.
Мәхәббәт – мәңгелек, гашыйклар гына алмашынып тора.
Мәхәббәт терекөмеш сыман: аны йодрыкта түгел, ачык учта гына саклап була.
Мәхәббәт даруы – өйләнешү.
Мәхәббәт – һәр тарафы чыгымнар белән чолгап алынган хисләр диңгезе.
Бездә җайлап авыру өчен дә ат тазалыгы кирәк.
Үч алырга керешкәнче, ике кабер казы.
Артык әйтер сүзе булмаса, хатын-кыз иренә бер генә сүз әйтә.
Гаиләдә тынычлык саклау өчен, һичьюгында ике телевизор кирәк.
Бик җиңел бирелгән вәгъдә – аның үтәлмәячәгенең ышанычлы билгесе.
Бәхет – нык сәламәтлек һәм начар хәтер.
Сабыр кешенең ачуыннан саклан.
Фарук Нәфиев
Безнең мирас. - 2021. - №9. - 63 б.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала