Яратырга телим

Бу дөньяда, бу гөнаһлы жирдә
Йә, әйтегез, кем мин?
Әйдә, мине яратмасын беркем —
Яратырга телим.
Кочагыңны аччы, и сылукай,
Бер юаныйм, эрим.
Син дә әллә яратмыйсың?! —
Ә мин
Яратырга телим.
Синең өчен, бәлки, чыклы иртә,
Бәлки, шыксыз төн мин.
Күкләреңдә тик йолдызлар янсын -
Яратырга телим.
Бу дөньяда, бу гөнаһлы жирдә
Ник яшәлгән — белмим.
Яратырга телим.
Газинур Морат
Фото: pixabay