"Яхшылык онтыла көн дә, Ялгышсаң - ярала үч"

Искермәс дус халыкта юк,
Айнымас ант кайда бар?
Алда күрәчәк артта юк,
Мыскыл, гайбәт, хәйлә бар.

Яхшылык онтыла көн дә,
Ялгышсаң - ярала үч.
Файда өмет итмә бер дә,
Зыяны тимәсә - хуш.

Файда-фәләне каһәрнең
Артамыни үзеннән?
Сөйли бирсенче, наданның
Түгелә гайбәт сүзеннән.

Мин, күпләргә дуслык тотып,
Үкенечкә калдым бары.
Күпме гомер әрәм итеп,
Тигез яр табылмады.

Дошман түш кага масаеп,
Дус үзгәреп җәфалый.
Кем тинтәк, кемнәрдә гаеп -
Кем белә, кем чамалый?

Аралашырдай ирләрнең
Кем танымас баласын?
«Мин-минле» шыр
тилеләрдән
Ни мәнфәгать аласың?