Бер авылда, шундый хәлне күреп,Ис-акылым китте, туганнар:Ике бала исерек әниләренСөйрәп кайтып килә урамнан.— Әннә, әннә, — диләр, — аягынаНик басмыйсын, — диләр, — бас, —диләр,Әннә, әннә, — диләр, —...
Бер авылда, шундый хәлне күреп,
Ис-акылым китте, туганнар:
Ике бала исерек әниләрен
Сөйрәп кайтып килә урамнан.
— Әннә, әннә, — диләр, — аягына
Ник басмыйсын, — диләр, — бас, —диләр,
Әннә, әннә, — диләр, — күзләреңне
Ник ачмыйсың, — диләр, — ач, — диләр.
Күргәнем бар исерек ир-атларның
Урамнарда аунап ятканын,
Урамнарда яткан ир-атларын
Хатыннары алып кайтканын.
Бу күренеш гади хәл шикелле,
Күнеккәнбез аңа күптәннән;
Гаҗәпмени:
хатын балаларын
Җитәкләгән, ирен күтәргән;
— Җаным, җаным, — ди ул, —
әйдә, тизрәк,
Өйгә кайтып кына ятыйк, — ди,
— Өйдә эчкәннәрең җиткән иде,
Читтә эчкәннәрең артык, — ди.
Бу хәлләргә күптән күнгән күңел
Кинәт тетрәп китте, туганнар:
Ике бала исерек әниләрен
Сөйрәп кайтып килә урамнан.
— Әннә, әннә, — диләр, — без ачыктык,
Ашыйсыбыз килә — аш кирәк,
Безгә синең күз карашың кирәк,
Күзләреңне, — диләр, — ач тизрәк!
Исерек ирләр исеменнән чүтки
Сүз әйтергә минем хакым бар:
Сез дә исерсәгез, бөтен дөнья
Исерә бит, иптәш хатыннар!
Ис-акылым китте, туганнар:
Ике бала исерек әниләрен
Сөйрәп кайтып килә урамнан.
— Әннә, әннә, — диләр, — аягына
Ник басмыйсын, — диләр, — бас, —диләр,
Әннә, әннә, — диләр, — күзләреңне
Ник ачмыйсың, — диләр, — ач, — диләр.
Күргәнем бар исерек ир-атларның
Урамнарда аунап ятканын,
Урамнарда яткан ир-атларын
Хатыннары алып кайтканын.
Бу күренеш гади хәл шикелле,
Күнеккәнбез аңа күптәннән;
Гаҗәпмени:
хатын балаларын
Җитәкләгән, ирен күтәргән;
— Җаным, җаным, — ди ул, —
әйдә, тизрәк,
Өйгә кайтып кына ятыйк, — ди,
— Өйдә эчкәннәрең җиткән иде,
Читтә эчкәннәрең артык, — ди.
Бу хәлләргә күптән күнгән күңел
Кинәт тетрәп китте, туганнар:
Ике бала исерек әниләрен
Сөйрәп кайтып килә урамнан.
— Әннә, әннә, — диләр, — без ачыктык,
Ашыйсыбыз килә — аш кирәк,
Безгә синең күз карашың кирәк,
Күзләреңне, — диләр, — ач тизрәк!
Исерек ирләр исеменнән чүтки
Сүз әйтергә минем хакым бар:
Сез дә исерсәгез, бөтен дөнья
Исерә бит, иптәш хатыннар!
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала