"Әй әрни лә күңел!"

Әй әрни лә күңел! Күз салам да
Шушы чатка…
Ә ул чакта-
Күпме нахак сүзләр сөйләделәр
Минем хакта!
Юк!
Өзгәләнү түгел аның өчен.
Өстен калыр өчен җитә хәзер көчем!
Юк!
Мин акланмыйм дошман алдында
Җаным акка!
Дошман нәрсә? Ул бит һәрвакытта
Тора сакта.
Ә ул чакта-
Учка сыймас унышымны күтәрәлми
Дустым басып калган иде
Шушы чатта...
Ландыш Габдрахманова
Фото: pixabay