ШӘҮКӘТ ГАЛИЕВ*(20.11.1928-7.05.2011)Кеше ишетсен дисәң, пышылдап әйт.*** Юньсез мактаса, хур итәр.***Иң бәхетле чагың – бәхет турында уйламаган чак.*** Кояшта яфрак матурлыгы күренә, давылда тамыр нык...
ШӘҮКӘТ ГАЛИЕВ*
(20.11.1928-7.05.2011)
Кеше ишетсен дисәң, пышылдап әйт.
***
Юньсез мактаса, хур итәр.
***
Иң бәхетле чагың – бәхет турында уйламаган чак.
***
Кояшта яфрак матурлыгы күренә, давылда тамыр ныклыгы беленә.
***
Кайсы кешедән, якыннан белгән саен, ерагаясың.
***
Берәүнең йөзендә борын хаким, берәүнең йөзендә – авыз баш.
***
Сәгать әкрен йөри, вакыт тиз уза.
***
Төш күрергә күзлек кирәкми.
***
Эчтән янсаң да, төтенең туры чыксын.
***
Акылга утыру әле ул тик утыру дигән сүз түгел.
***
Үткән көннәрнең төннәре дә якты.
"Безнең мирас". - 2022. - №10. - Б. 3.
*Шәүкәт Галиев (Шәүкәт Гали улы Һидиятуллин) – Апас районының Олы Бакырчы авылында туган. Татарстанның халык шагыйре (1995), Г.Тукай исемендәге дәүләт премиясе лауреаты (1972), Г.-Х.Андерсен исемендәге Халыкара Почетлы диплом иясе (1982), ТР Язучылар берлегенең А.Алиш исемендәге әдәби премиясе лауреаты, 1958 елдан СССР Язучылар берлеге әгъзасы.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала