Берзаман Бүре бик ачыккан. Ни туры килсә, шуны ашармын, дип, азык эзләргә киткән. Бара торгач, аңа бер Кәҗә тәкәсе очраган.Бүре Кәҗә тәкәсенә:– Кәҗә, мин сине ашыйм, – дигән.Кәҗә тәкәсе аңа:– Ашасаң а...
Берзаман Бүре бик ачыккан. Ни туры килсә, шуны ашармын, дип, азык эзләргә киткән. Бара торгач, аңа бер Кәҗә тәкәсе очраган.
Бүре Кәҗә тәкәсенә:
– Кәҗә, мин сине ашыйм, – дигән.
Кәҗә тәкәсе аңа:
– Ашасаң ашарсың инде. Ярый, алайса менә син бу тау итәгендә авызыңны ачып тор. Мин тау башыннан сикереп төшәрмен дә авызыңа кереп китәрмен, – дигән.
Бүре риза булган.
Кәҗә тәкәсе тау башыннан йөгереп төшкән дә Бүрене сөзеп еккан, Бүренең һушы киткән.
Берзаман, аңына килеп, тирә-якка караса, Кәҗә тәкәсе әллә кайчан китеп барган, ди.
Бүре бик үкенгән үкенүен, ләкин инде соң булган.
"Безнең мирас". - 2022. - №4. - 115 б.
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала