Рафаэль Сәхәбиев Хәбир Ибраһимның җырлавын ничек бәяләгән?

Язучылар берлегендә ел әйләнәсендә иҗат кичәләре бик еш булып тора. Хәбир Ибраһимга язучы булуы гына җитмәгән, җырларга да ярата икән. Бер мәҗлестә «Ак калфакның табылган чагы» дигән затлы җырны башкарып, тәки ахырына кадәр җиткерә бу. Әллә үз итеп, әллә күңеле төшмәсен, дип, тыңлаучылар гөрләтеп кул чаба моңа. Үзеннән бик канәгать калган Борнаш малае Хәбир, тагы да мактанасы, тагы да мактау сүзләре ишетәсе килепме, опера җырчысы Рафаэль Сәхәбиев тирәсенә елыша да:

– Ничек соң, Рафаэль туган, тавышым бармы минем? – дип сорый.

– Нишләп булмасын тавышың, сөйләшәсең бит әле! – дип җавап бирә аңа мәшһүр җырчы.

 

Рәдиф Сәгъди

Безнең мирас. — 2021. — №7. — 113 б. 

Фото: pixabay

Комментарий язарга