Яшь язучыларның республика семинары узды

29 ноябрь көнне Татарстан Язучылар берлегендә Яшь язучыларның республика семинары узды. Әлеге семинарда шигърият, проза, драматургия буенча остаханәләр эшләде. Барлыгы 34 яшь иҗатчының әсәрләре каралды. Остаханә җитәкчеләре яшь язучыларга үзләренең киңәшләрен, фикерләрен һәм теләкләрен җиткерде. Иң яхшы дип табылган әсәрләрне матбугатка, китап нәшриятына тәкъдим итәргә дигән карар кылынды.