Җырчы Вафирә Гыйззәтуллинаның тууына 75 ел

Җырчы, Татарстанның халык артисты (1981), Каракалпакстанның халык һәм РСФСРның атказанган артисты (1988) Вафирә Мөхәммәтдин кызы Гыйззәтуллина 1946 елның 13 февралендә ТАССРның Менделеевск районындагы Камай авылында туган.

1965 елда ул – Казан музыка училищесын, 1974 елда исә Казан дәүләт консерваториясен тәмамлый.

1974-1975 нче елларда М.Җәлил исемендәге опера һәм балет академия театрында, 1975-1994 нче елларда Г.Тукай исемендәге Татар дәүләт филармониясендә эшли. Ул башкарган кайбер җырлар: «Туй җыры» (С.Сөләйманова сүзләре, Ш.Кашапов көе), «Кыр казлары киткәндә» (Р.Гәрәй, Ә.Бакиров), «Юатма» (Р.Харис, Р.Әхиярова), «Аккошлар» (Р.Фәйзуллин, Ф.Әхмәтов) һ.б.

В.Гыйззәтуллина 2001 елның 17 сентябрендә юл һәлакәтендә вафат булды.

Комментарий язарга