Татарстан мөхәррирләре, язучылар - Уфада!

"Мәдәни җомга" газетасы, "Безнең мирас" һәм "Казан утлары" журналларының баш мөхәррирләре, әдипләр Вахит Имамов, Ләбиб Лерон һәм Рөстәм Галиуллин, ике арадагы әдәби бәйләнешләрне ныгыту өчен, Уфада иҗади сәфәрдә булды. Алар анда "Агыйдел" һәм "Шоңкар" журналларының баш мөхәррирләре, Башкортстан язучылары һәм шагыйрьләре белән очрашып, электән килгән әдәби-мәдәни дуслыкны ныгытуга юнәлтелгән эшләр, киләчәккә ниятләр турында сүз алып бардылар. Кунаклар, җавап йөзеннән, Башкортстан әдипләрен үзләренә чакырдылар. Әлеге очрашулардан кайбер фотомизгелләрне сезнең игътибарыгызга да тәкъдим итәбез.