Тарихчы Әгъдәс Борһановның тууына 100 ел

Тарихчы, тарих фәннәре докторы, Татарстан Фәннәр академиясенең шәрәфле әгъзасы, профессор Әгъдәс Хөсәен улы Борһанов 1920 елның 17 октябрендә Бөгелмә өязендәге Сарабиккол (хәзер Лениногорск районына керә) авылында туган.

Хезмәтләре Россиядә 20 нче йөз башы буржуаз юнәлешле сәяси партияләр эшчәнлегенә, 1917 елгы Октябрь революциясе тарихына, философиягә, хәзерге заман милли мөнәcәбәтләргә һәм милли-мәдәни автономия мәсьәләсенә карый.

Ә.Борһановның татарларның милли бәйсезлек хәрәкәтенә багышланган мәкаләләре бар. Татар иҗтимагый үзәгенең I корылтаенда (1989 ел), 2002 елда III Бөтендөнья татар конгрессында ул Мәскәү татарларыннан делегат буларак катнашты.

Ә.Борһанов 2018 елның 8 ноябрендә вафат булды.

Комментарий язарга