Шагыйрә Заһидә Бурнашеваның тууына 125 ел

Шагыйрә һәм җәмәгать эшлеклесе Заһидә Хөсәен кызы Бурнашева (әдәби псевдонимы – Гыйффәт туташ) 1895 елның 19 октябрендә Рязань губернасындагы Әҗе авылында туган.

1913-1914 нче елларда Гаяз Исхакый нәшерендә чыккан «Ил» газетасында беренче шигырьләре басыла башлый, ә «Гыйффәт туташ шигырьләре» дигән беренче җыентыгы 1915 елда дөнья күрә. 1919 елда шагыйрәнең «Балалар күңеле» дигән китабы нәшер ителә.

Октябрь инкыйлабыннан соң З.Бурнашева Сәмәркандта яши. Берничә ел партиянең Төркестан Үзәк Комитетында, аннан соң Үзбәкстан китап нәшриятында эшләп ала. 1951 елдан соңгы көненәчә Казанда гомер итә.

Шагыйрә Казанда 1977 елның 5 ноябрендә 82 яшендә вафат булды.

Комментарий язарга