Пәйгамбәребез Мөхәммәднең (с.г.в.) хәдисләре

Әбу Һөрәйра разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Намазында тәһарәте бозылган кешенең, тәһарәтле булганчы, намазы кабул булмас».

Ибн Гомәр разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Хәрам малдан сәдака кабул булмаган кебек, пакьлектән (тәһарәттән) башка намаз да кабул булмас».

Әбу Һөрәйра разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Тәһарәт вәсвәсә белән генә тиеш булмас, мәгәр тавыш яки арттан җил чыгу булмаса».

Гали разыйаллаһу ганһү риваять итә: «Рәсүлуллаһ салләллаһу галәйһи вәсәлламнән мәзи турында сорадым». Рәсүлуллаһ салләллаһу галәйһи вәсәллам әйтте: «Мәзи бүленеп чыкса, тәһарәт алу тиешле, мәни чыкса, госел алу тиешле».

Гали (Аллаһ аны хөрмәтләсен) риваять итә. Рәсүлуллаһ салләллаһу галәйһи вәсәллам әйткән: «Кырын ятып яки сузылып ятып йоклаучы адәм тәһарәт алсын».

Әбү Әюб әл-Әнсари разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Хаҗәтханәгә керсәгез, кыйблага каршы йә арка ягы белән булмагыз, бәлки, кояш чыгыш йә батыш тарафына булыгыз».

Текстны басмага Айсылу Вәлиева әзерләде.

«Безнең мирас». — 2022. — №4. — 75 б. 

Фото: pixabay

---

Хәдисләр Шәех әл-Камил Вәли әд-Динмөхәммәд бине Габделхатыйб әт-Тәбризинең «Мишкәтүль мәсабих» китабы буенча әзерләнгән һәм 1913 елда 3 китапта басылып чыккан.