Композитор Заһид Хәбибуллинның тууына 110 ел

Композитор, скрипкачы, ТАССРның (1950) һәм РСФСРның атказанган сәнгать эшлеклесе (1981), ТАССРның халык артисты (1970), Татарстанның Г.Тукай исемендәге дәүләт премиясе лауреаты (1968) Заһид Вәли улы Хәбибуллин 1910 елның 10 сентябрендә Орск шәһәрендә туган.

Ул иҗат иткән җырларның кайберләре: «Сагыну» (М.Җәлил сүзләре), «Батыр егеткә» (Ә.Ерикәй), «Сайра син, тургай» (Г.Насрый), «Бормалы су» (Н.Исәнбәт), «Баулылар» (Н.Арсланов), «Яшьлек җыры» (Ш.Маннур), «Казах дустыма» (С.Хәким).

Заһид Хәбибуллин 1983 елның 20 ноябрендә Казанда вафат булды.