Драматург Мөхәммәт Әблиевнең тууына 120 ел

Драматург Мөхәммәт Шәриф улы Әблиев 1900 елның 15 июлендә Кама Тамагы районының Даныш авылында туган.

Язучы буларак ул узган гасырның егерменче елларында таныла башлый – хикәяләр (мәсәлән, «Минем дустым сугышта», 1922), повестьлар («Итекче кызы», 1928; «Ком улы», 1929) яза, үзен драматургия өлкәсендә дә сынап карый («Ике туй», 1925; «Лейтенант», 1940). М.Әблиев 1936 елда атаклы «Шәмскамәр» драмасын яза.

Әдип, сугышның тәүге көннәреннән үк укчы дивизиянең сәяси бүлеге комиссары сыйфатында, фронтның алгы сызыгында сугыша һәм күп тә үтми (1941 ел) һәлак була.