Рәссам Чыңгыз Әхмәровның тууына 110 ел

Рәссам, график, монументаль сәнгать остасы, педагог, сәнгать фәннәре кандидаты, профессор, СССР дәүләт премиясе (1948) һәм Үзбәкстан ССРның Хәмзә исемендәге дәүләт премиясе лауреаты (1968), Үзбәкстан ССРның (1964) һәм Татарстанның халык рәссамы (1992) Чыңгыз Габдерахман улы Әхмәров 1912 елның 12 маенда Оренбург өлкәсенең Троицк каласында туган.

Чыңгыз Әхмәров – Үзбәкстанда монументаль сәнгатькә нигез салучы. 1955-1956 нчы елларда М.Җәлил исемендәге Татар дәүләт опера һәм балет театры фойесын һәм диварларын («Бию», «Музыка» һәм «Сәнгать» композицияләре), 1957 елда Казан елга порты фасадын мозаикалар белән бизи, «Татар хатыны» (1968), «Йосыф һәм Зөләйха» (1975) картиналарын яза, «Мәрҗани Үзәк Азияд»ә, «Сөембикә Үтәмешгәрәй белән», «Габдулла Тукай», «Тормыш», «Татар кызы», «Татар биюе» дигән хезмәтләрен иҗат итә.

Ч.Әхмәров 1995 елның 13 мартында Ташкент шәһәрендә вафат булды.

Комментарий язарга