Бер таш

Казанның татар зиратында бик үзенчәлекле бер таш күзгә ташлана. 1945 елның июнь аенда куелган ташның язуы, бизәлешендә борынгы татар эпиграфикасы традицияләре чагылыш тапкан. Бу ташны гомере буе кабер ташларын өйрәнгән атаклы эпиграфист-галим Һарун Йосыпов әтисе Вәлимөхәммәт Низаметдин улы Йосыпов каберенә үзе ясап куйган икән.

Шуннан ерак түгел галимнең үз кабере дә бар. Без зиратка галимнең улы Василилий (инде мәрхүм) белән, Һарун Йосыповның тууына 100 ел тулган көннәрдә барган идек.

1. һуәл-хәййе әлләзи лә йәмүт
2. вә көлли хәййе сәйәмүт
3. Низаметдин улы
4. Вәлимөхәммәт Йосыпов
5. фани дөньядан бакый
6. ахирәткә күчте
7. рәхмәтуллаһи галәйһи
8. рәхмәтән уасигатән
9. тарих мең дә өч
10. йөз алтмыш дүртдә
11. рәҗәб аеның* ун
12. ... ...
______________________________
Сүзлекчә:
һуәл-хәййе әлләзи лә йәмүт вә көлли хәййе сәйәмүт – ул (Аллаһы) мәң­ге исән, үлми; һәр терек­лек үлә
фани – вакытлы
бакый – мәңгелек
рәхмәтуллаһи галәйһи рәхмәтән уасигатән – аңа Аллаһының киң рәхмәтләре ирешсен

*1364 нче һиҗри елның рәҗәб ае милади ел исәбе белән 1945 елның июнь аена туры килә.