Көрәш БДБ илләре Уеннары программасына кергән

2020 елның августында Казанда I БДБ илләре Уеннары узачак. Бу хакта кичә Россия Хөкүмәте утырышында билгеле булды.
Әлеге Уеннарны уздыру тәкъдиме белән Россия спорт министрлыгы чыккач, ил Президенты Владимир Путин тиешле проект әзерләү бурычын куйган.
Ярышлар Олимпия уеннары узачак елда үтә, шуның өстенә ТАССРның 100 еллыгын билгеләп үтү чорында оештырылачак. Уеннарны уздыру урыны итеп Казанның сайлануы очраклы түгел, чөнки бездә теләсә нинди спорт ярышларын югары дәрәҗәдә үткәрү мөмкинлеге бар.
Безгә килеп ирешкән мәгълүматларга караганда, Уеннар программасына түбәндәге спорт төрләре кергән: дзюдо, самбо, пляждагы волейбол, пляждагы гандбол, мини-футбол, бокс, тайский бокс, шахмат, бию спорты, фехтование, каратэ, гер спорты, армрестлинг, мас-реслинг, спорт көрәше, көрәш), җиңел атлетика һәм баскетбол (3х3).

Комментарий язарга