Бәчек зиратында борынгы ташлар да бар

Яшел Үзән районындагы Бәчек авылы зиратында револциягә кадәрге мулла-мөэзиннәрнең, аларның гаиләләренең дә кабер ташлары саклана. Шулар арасыннан берничәсенең язуын укыйбыз: "Ләйлиҗамал бинте мөәзин Габделгалим бине мелла Нигъмәтулла 1892 нче елда апрель 22 нче көнендә 45 яшендә дар [бакая] рихләт әйләде"; "Мелла Минһаҗетдин бине мелла Сәйфетдин 1893 сәнә декабрь 7 нче көнендә 35 ел имам улып 54 яшендә дарелбакая рихләт әйләде..." (ягъни, бакый дөньяга күчте...) Шулай ук авыл халкы Тукайның сөекле апасы Хәбибуллина Бибисаҗидәнең  һәм аның кызы, педагог Өммеһаниянең дә каберләрен карап, тәртипкә китереп тора.