Әнкарада Дәрдмәндне искә алдылар (ФОТОЛАР)

Төркиянең башкаласы Әнкара шәһәрендә татар шагыйре һәм меценанты Закир Рәмиев тууының 160 елында искә алынды. Чарада әдәбият белгече Роза Корбан шагыйрьнең биографиясе һәм иҗаты хакында, Ильяс Мифтахов исә бертуган Рәмиевләрнең вакытлы татар матбугаты тарихындагы рольләре турында чыгыш ясады. Искә алу чарасы Хаҗи Бәйрәм Вәли университеты Әдәбият факультеты һәм шул университетның Тюркология җәмгыяте тарафыннан оештырылды.