Әхәт Хикмәтуллин вафат

Чаллы шәһәрендә гомер итүче 93 яшьлек Әхәт Хикмәтуллин вафат булган. Тормыш иптәше Нәзимә ханым белән алар Чаллыдагы һәм Казандагы төрле чараларда биюче "ак парлар" буларак билгеле иде.

Бу хакта "Челнинские известия" газетасы сайтында хәбәр ителә. Әхәт бабай гомеренең соңгы көннәренә кадәр актив тормыш алып барды, төрле конкурс-бәйгеләрдә катнашты, сәяхәт кылды, ветераннарга ярдәм итеп яшәде.
Аның белән бүген Чаллыдагы Тәүбә мәчетендә хушлашачаклар, диелә.