Республика клиник хастаханәсендә дәваланучы балалар артистлар белән бергә җырлый

13 ноябрь көнне "Әкият" концертлар залында"Җырла, бие, изгелек кыл" дигән хәйрия чарасы уза.

Халыкара Әниләр көне һәм Бөтендөнья изгелек көне алдыннан, 13 ноябрьдә "Әкият" концертлар залында хәйрия чарасы үтәчәк. Аның максаты - җитди авырулардан интегүче һәм ТР Сәламәтлек саклау министрлыгының Республика балалар клиник хастахәсендә дәваланучы балаларга ярдәм итү. Хәйрия концерты кысаларында нәни пациентлар татар эстрадасы артистлары белән бергә чыгыш та ясаячак.
"Җырла, бие, изгелек кыл" - хәйрия чарасы - озак вакытлар хастаханәдә дәваланучы балалар һәм аларның әти-әнисе өчен зур вакыйга. Һәр сабый өчен өлкәннәр тарафыннан ярдәм һәм игътибар тою бик мөһим.
Концертның иң дулкынландыргыч мизгеле хастаханәдә ятучы балаларның һәм татар эстрадасы җырчыларының бер сәхнәдә чыгыш ясавы булыр дип көтелә. Балалар һәм ата-аналар артистлар белән бергә мәхәббәт һәм бәхет турында җыр башкарачак, дип хәбәр итә оештыручылар.
«Татар-информ»