Балык Бистәсендәге тарихи мәчет тулысынча хәйрия акчасына төзекләндереләчәк

(Зур Елга авылы, 5 гыйнвар, "Татар-информ", Айдар Әхмәдиев). Балык Бистәсе районы Зур Елга авылында урнашкан XIX гасыр ахырында агачтан төзелгән мәчет тулысынча хәйрия акчасына төзекләндереләчәк. Бу хакта тарихи мирас объектларын саклау комитеты рәисенең урынбасары Альберт Сәлахов бүген мәчет бинасында узган киңәшмә вакытында хәбәр итте.
Төзекләндерү эшләрен танылган архитектор Александр Попов алып барачак. Аның әйтүенчә, мәчет торгызуга 19 миллион сум акча бирелде, әмма бу сумманы бүләк иткән хәйрияче исеме журналистларга ачыкланмады.

• Зур елга авылы мәчете 1879 елда җирле балта осталары тарафыннан төзелә. Совет чоры вакытында мәчет бинасы амбар функцияләрен үтәгән. 90нчы еллар башында мәчет халык кулына кайта һәм дәүләт тарафыннан XIX гасыр архитектура һәйкәле булып танылды.

Төзекләндерү эшләре бүгеннән башлап 2019 елның ахырына кадәр дәвам итәчәк.
Бу хакта тулырак: https://tatar-inform.tatar/news/2019/01/05/178306/