Әлмәтнең татар телендә белем бирүче "Нур" мәктәбенә укучылар кабул ителә башлады Бу хакта тулырак: https://tatar-inform.tatar/news/2018/08/13/169598/

🏷 Администратор сайта

Быел 1 сентябрьдә Әлмәттә татар телендә белем бирүче “Нур” исемле яңа урта мәктәп үз ишекләрен ачачак. Анда дөньяви белем белән беррәттән, факультатив буларак, дини белем дә укытылачак, дип хәбәр итә ТР Диния нәзарәте матбугат хезмәте.
Әлеге проект ТР Диния нәзарәте һәм Әлмәт мөхтәсибәте белән тормышка ашырыла.
Волгоград урамында урнашкан булачак мәктәп бинасында төзекләндерү эшләре төгәлләнеп килә. Мәктәптә кызлар һәм малайлар аерым белем алачак. Хәзерге вакытта беренче сыйныфка укучылар кабул итү турында игълан ителгән. 2018-2019 уку елында 15 ир бала һәм 15 кыз бала кабул итү планлаштырыла.
Бу хакта тулырак: https://tatar-inform.tatar/news/2018/08/13/169598/

Дөнья хәбәрләре, Яңалыклар

13 августа 2018 Комментарий ЮК