Котылган (мәзәк)

Ике хатынны автобус кавыштырды. Авылдашлары, күрше-күләннәре, дус-ишләре, белгән-белмәгәннәре турында тәмле итеп бик акыллы сөйләшеп баралар:

- Әсмабикәләр ничек тора?

- Карты үлде, теге атнада гына җирләделәр.

- Китсәнә! Авырдымы?

- Юк. Эчеп үлгән, диделәр.

- Алайса... Котылган икән Әсмабикә. Исерек ир белән гомер иткәнче... Балалары барыемы?

- Җиде баласы белән калды Әсма.

- Ай Алла-а-а! Җиде бала диген! Ирсез башы инде нишләр икән?!