Хатыйп Миңнегуловның юбилей кичәсе узды

Бүген Татарстан Язучылар берлегендә филология фәннәре докторы, профессор, күренекле остазыбыз, «Безнең мирас» журналының даими авторы Хатыйп Йосыф улы Миңнегуловка 80 яшь тулуга багышланган әдәби-музыкаль кичә узды. Кичәне Раил Гатауллин белән Айгөл Әхмәтгалиева алып барды. Галимне котларга каләмдәшләре, хезмәттәшләре, студентлары, якташлары һәм тагын бик күп кунаклар килгән иде. Татарстанның мәдәният министры урынбасары Дамир Натфуллин Хатыйп Миңнегуловны Мәдәният министрлыгы билгесе белән бүләкләде. Татарстанның мәгариф һәм фән министры Рафис Борһановтан да Рәхмәт хаты тапшырылды. Кичә Татарстанның халык артисты Георгий Ибушев, Татарстанның атказанган артисты Газинур Фарукшин һ.б. танылган җырчыларның музыкаль бүләкләре белән үрелеп барды.
Энҗе Хөсәенова