Яз, сөю, гүзәл зат бәйрәме

Уяна табигать, язларның
Шифалы җылысын тоюга.
Гүзәл зат, мәхәббәт, иркә-наз
Җитмәсә, күңелләр боега.
Сөюгә сусаган йөрәкләр,
Сынаудан сынмаслык өметкә.
Язларда бәйрәмнең тәүгесе,
Алыйк без елмаеп-көлеп лә.
Ана да, апа һәм сеңел дә,
Яратып туймаслык парың да.
Бәхеткә лаек бит һәркайсы,
Калмасын язмышлар ярында.
Яктылык өләшкән җаннарга
Нәрсә соң алырга бүләккә?
Йөрәккә үтәрлек сүзләрне
Ничек соң табарга теләккә?!
Котлауга төренсен бәйрәмең,
Чәчәкләр бизәсен табының.
Сөеп һәм сөелеп яшә син,
Бар һәм бер Аллаһка табынып.
Фирдәвес Зариф
Фото: pixabay