Шагыйрь Мөдәррис Әгъләмовның тууына 75 ел

Татарстан Республикасының атказанган мәдәният хезмәткәре, Татарстанның Г.Тукай исемендәге дәүләт премиясе лауреаты (1992), Татарстанның халык шагыйре (2006), 1973 елдан СССР Язучылар берлеге әгъзасы Мөдәррис Әгъләм (Мөдәррис Зөфәр улы Әгъләметдинов) 1946 елның 13 октябрендә Зәй районының Биш Субашы (Пуст-Ашыт) авылында туган.

М.Әгъләмовның беренче шигырьләре 1959 елда Татарстан һәм Башкортстан пионер газеталарында һәм журналларында басыла. 1970 елда «Кыңгырау» исемле мөстәкыйль китабы дөнья күрә.

М.Әгъләмов 2006 елның 26 ноябрендә Казанда вафат булды.