Язучылар союзы

Союзга кермичә (гариза бирмичә) йөрүемнең сәбәпләре бар.

Беренчедән, мин Союзны изге җир дип күз алдыма китерәм. Аңа элек-электән ихтирамым зур. Союзда әллә ниткән шулерлар барлыгын белә торып шулай уйлыйм. Үземне изгеләрдән санамагач, Союзга бик ашыкмадым.

Икенчедән, кабул итүләренә дә ышанычым барлы-юклы иде. Биографиям тәти түгел бит. Ә XX съезд ерак калды...

Өченчедән, үземнең өлгереп җитүемне генә түгел, өлкәнрәк агайларның, теге яки бу атмосфера тудыра (яки сасыта) торган кешеләрнең дә өлгереп җитүен көттем. Бераз соңгарак та калдым бугай...

Алла бирсә, мин Союзга файда китерермен әле.

Адлер Тимергалин

Безнең мирас. — 2021. — №10. — 84 б.