Рифат Сәлах. Тимер юл

Келтер-келтер поезд чаба,
Без ятабыз вагонда.
Ә тимер юл артта кала,
Артта туган ягым да…

Кая илтер тимер юл дип,
Кайгырасы юк бер дә.
Тимер юлның басмалары,
Охшаш безнең гомергә.

Рифат Сәлах. Әллә догаң, әллә каргышың

Төнге күккә яз җилләре сеңгән,
Төнге күккә киткән сагышым.
Мин күзгә-күз калдым сөю белән –
Әллә догаң, әллә каргышың?

Йолдызлар да җемелдәшә бүген
Синең кара күзләр төслерәк.