Хушлашалмам
Үлеп беткәч, син терелттең мине,
Тартып алдың әҗәл кочагыннан.
Кодрәтең киң, беләм, ихлас сөю,
Танышлык бит үсмер кыз чагымнан.
Әлфия Ситдыйкова
Кичер мине
Кичер мине, сөюемне саклап,
Гомер буе уйлап яшәгәнгә.
Төшләремдә өзгәләнеп эзләп,
Өннәремдә күргәч дәшмәгәнгә.
Әлфия Ситдыйкова. Сөю алмалары
Соң очраштык. Соңлап туганмын мин.
Минем язмыш башка белән бәйле.
Учларыма кызыл алма салдың,
Иренемдә әче әрем тәме.