Физәлия Дәүләтгәрәева. Сүндермәле, әнкәй, утларыңны

Сүндермәле, әнкәй, утларыңны.
Тәрәзәңдә утың балкысын.
Ераклардан тоеп яшибез без
Тәрәзәләреңнең яктысын.

Сүндермәле, әнкәй, утларыңны.
Караңгылык салма күңелгә.

Бер киселгән икмәк (хикәя)

– Уррра, әти кайтып килә. Уррра! – юлдан күзен алмый тәрәзә төбендә утырган алты яшьлек Илнара әнисе ни булса да әйтеп өлгергәнче, кәҗә бәтиедәй сикергәли-сикергәли, әтисен каршыларга тышка чыгып йөгерде. Көзге яңгырда ялан өс чыгып чапкан кызының артыннан Бибигөл, өстеңә кияр идең ичмаса, дип кенә кисәтте дә, үзе дә тәрәзәгә капланды. Әйе шул, кызы ялгышмаган – икенче урамнан Рәшитнең йөк машинасының узганы күзенә чагылып калды. Бибигөл тиз генә кызының җылы киемен эләктерде дә, капка төбендәге эскәмиядә бөрешеп утырган Илнарасы янына чыкты.