Хаҗи кар астында калган. Хәле авыр

Чирмешән районы Әмир авылы мәчете имамы кар астында калып имгәнгән. Нык имгәнгән, хәле авыр, диләр.

Бу хакта «Безнең Чирмешән» газетасында хәбәр ителә. Анда язылганча, Люцир хаҗи Зыятдинов керү юлын, козырекны-япманы чистартканда, кар ишелеп төшә һәм ул кар астында калган һәм нык имгәнгән, хәле авыр. Люцир хаҗины мәчет яныннан үтеп баручы берәү кар астыннан чыгарган.

Люцир хаҗи Зыятдиновны ашыгыч рәвештә Әлмәт больницасына озатканнар. Аңа операция таләп ителү мәгълүм.

ФОТО: nashcheremshan.ru

Комментарий язарга