Яуширмә авылында

Кичә «Мәдәни җомга» газетасының баш мөхәррире Вахит Имамов һәм «Мәгариф» журналының баш мөхәррире Сөмбел Таишева һәм «Безнең мирас» журналының

бүлек мөхәррире Ленар Гобәйдуллин мәшһүребез Гаяз Исхакый туганЯуширмә авылында булып, андагы кешеләр белән очрашып кайтты. Кызганыч, заманында шактый зур булган Яуширмә авылы бүген бетүгә таба бара, элек 500 дән артык бала укыган мәктәптә, бүген нибары 27 укучы белем ала. Авылдан соңгы елларда гына да 90лап кеше күчеп киткән, балалар бакчасының элекке бинасы җимерек хәлдә, өч йортның берсен хуҗалары ташлап качкан. Гаяз Исхакыйның да музее капитал төзекләндерүне таләп итә, ә инде гасырлар буе халыкны эчә торган су белән тәэмин иткән «Казый» чишмәсе, өстенә махсус корылма эшләнү сәбәпле, кибеп корыган.

Яуширмә авылындагы тарихи вакыйгалар турында «Безнең мирас» журналының алдагы санында, ә хәзерге вәзгыйть турында «Мәдәни җомга»ның киләсе санында уку мөмкин булачак.

 

 

Комментарий язарга